DEM Partî hesabê xo yê medyaya sanale de derheqê şewatê Amed-Mêrdînî de eşkerayîye daye û nê vatî:

''Dejê ma pîl o, wa sereyê şarê ma weş bo. Ma birîndaran rê şîfa wazenê. Îqtîdar semedê mudaxaleyî kewt erey û hetkarîya ci kêm mende. Sere de Amed, Mêrdîn û Wan heme şaredarîyê ma semedê hetkarîye bîyî seferber. Hemşaredarê ma, wekîlê ma , Hemserekê Pêrîyî yê DBPyî Çîgdeme Kiliçgun Uçar û Keskîn Bayindir dewan de yê ke tede facîa qewimîya, hem dejê şarî bare kenê hem zî darbanê şarî pêşenê. Na facîa reyna mojna ra ke qet yew facîa û felaket de dewlete û îqtîdar cayê şarî de nîyê.  Erdlerz de çîn ê, şewat de çîn ê, laser de çîn ê. La hêzê ma est o ke ma do pîya bi şarê xo heme felaketan de payan ser vinderê û tengayî xo dima biverdê''.

Baroyê Amedî zî derheqê berpirsîyaranê şewatî  Serdozgerîya Komare ya Çinarî de pêhesnayîşê sûçî kerd. Avûkatan waşt sebebê şewatî û erey mudaxalekerdişê şewatî bêro cipersayene.