Vervatoxa Partîya Demokrasîyî û Têdûştîye yê Şaran (DEM Partî) Ayşegule Dogan derheqê kombîyayîşê Heyetê Rayberdişî yê Merkezî de merkezê pêroyî yê partîye de kombîyayîş kerd.

Dogane bi wesîleya serrgêra 9ine ya azadkerdişê Kobanê bale ante vatişê Erdoganî yê '2Kobanê kewt, do bikewo''yî ser û vat: ''Rixmê înan Kobanê tarîtîya DAÎŞî ra ameye xelisnayene. Ma sey DEM Partî reyna vanê ke înanê ke Kobanê xelisna ma înan rê mînetdar ê. Roja xelisnayîşê Kobanê heme şaran rê pîroz bo.''

Ayşegule Dogan da zanayene ke ê do 29ê çeleyî de Amed de namzedanê xo yê ke raydayîşê şarî de ameyî weçînayene bidê nasdayene.

Dogane derheqê Dêrsimî de nê vatî: ''Dêrsim bê DEM û DEM bê Dêrsimî nêbeno. Dêrsim DEMî ra û DEM Dêrsimî ra nîno raqilnayene. Partîya EMEK, SMF, Cepheyê Kede û Azadîye û Partîya Karkeran a Tirkîya eşkera kerd ke ê do Dêrsim de îtîfaq bikerê û semedê tewrbîyayîşê nê îtîfaqî veng danê. Ma nê tewirê 'Ma no ro, şima zî bêrê' raşt nêvînenê. Na babete de pêvînayîşê ma dewam kenê.  Dêrsim semedê ma muhîm o. Çunke Dêrsim bi qeyûmî destê ma ra amebi girewtene.''