Amed de wextêkî ra nata vera tay kafe û parkan hetê kesanê kanwazan ra hêrişî yenê kerdene. 

DEM Partî gerreyê wayîrê şîrketêke û endamanê HUDA Parî kerd ke nê kesî Amed de paştî danê hêrişanê vera kafe û parkan.

Buroyê Çapemenîye yê DEM Partî derheqê babete de nê agahîyî dayî: ''Serekê HUDA PARî yê Amedî Zeynuş Abîdîn Gulsever û Serekê Şîrketa Zafer Yapiyî Sabir Toktaşî destek da hêrişanê vera park û kafeyan û bi qiseyanê bêkokan partîya ma kerde hedef. Coka ma gerreyê nînan kerd.''

Avûkatan zî muracatê xo de ard ziwan ke Toktaş û Gulseverî hêrişkerî wasifnayê, hêrişî teşwîq kerdê û wekîlê DEM Partî hedef kerdê coka waşt ke wa derheqê nînan de tehqîqatêko bitesîr bêro kerdene.