Hemvervatoxanê Komîsyonê Huqûq û Heqanê Merdiman ê DEM Partî bi eşkerayîyêke tepişîyayîşê Hemserekê xo yê Semsûrî şermezar kerd.

Hemvervatoxan vat: ''Hemserekê Semsûrî embazê ma Avûkat Yusuf Ozperçîn seba ke polîtîkayê şerî yê dewlete rexne kerdî bi îdîaya 'propagandaya rêxistine' û 'eşkerayîyanê vera dewlete' tepişîya û erşawîya Zîndanê Riha.

Îqtîdar polîtîkaya pêkewtiş û şerî de israr keno, Herêma Kurdîstanî de baregehanê xo zêdîneno. Vera ney xora nêrazîbîyayîşî zî est ê. Tirkîyaya ke krîzê ekonomîkî yê giranî de têrî ya, bi polîtîkayanê şerî naçare menda. Nê polîtîkayê îqtîdarî qetî nênê qebulkerdene.

Komîsyonê ma Zîndanê Riha de embazê ma Ozperçîn zîyaret kerdo. Embaz Ozperçînî seba paştdayîşî her kesî rê sipas kerd û selam kerd. Ganî cade embazê ma vera bidîyo. Ma do nê prosesê bêhuqûqî teqîb bikerê.''