Serrgêra Komployî de Însîyatîfê Mîyanneteweyî yê Abdullah Ocalanî rê Azadîye eşkerayîyêka nuştekîye weşanaye.

Eşkerayî de nê çîyî ameyî vatene:

“Ewro dejêko bîn dejê erdlerzê Kurdîstanî rê ame vêşîkerdene. Serrgêra 24ine ya remnayîş û tepîştişê Rayber Apoyî de dewleta tirke senî ke wazena Rayberî girawe de tena verda, wina wezena bi des hezaran însanan zî binê xirband e verda.

Sebebê hende mergan erdlerz nêbî, sebebê ci dewleta tirk a ke seba tedbîrê erdlerzî gamêke nêeşta. Xeylê însanî binê xirban de weş mendî û paweyê hetkarî bîyî la dewlete ê serdê zimistanî ver de terkê mergî kerdî. Destûr nêame dayene ke sazgehê bînî yê sivîlî zî hetkarî bikerê. Grûbê xelisnayîşî mecbur mendî ke herême terk bikerê yan zî xebatanê xo bidê vindartene.

15ê Sibate 1999î de bi esîrkerdişê Rayberê Şarê Kurdî Abdullah Ocalanî, bi rayberîya NATOyî hemverê şarê kurd û komelanê bînan de merheleyêko newe ame destpêkerdene. A roje ra dima şero teybet yê hemverê kurdan, bedilîya. Verê dewlete şîdet û zordarîye û înfazê bêhuqûqî ameyêne kerdene. Ewro parçeyanê Kurdîstanî yê bînan de bi teyarayanê bêînsanan her ferdê kurdî terorîze kena, bextwaştoxan sey stratejîyêkî hemverê şarê xo û yê Ewropa de xebitnena, çekanê kîmyawîyan xebitnena, însanan dekena zîndanan, sîyasetmedaranê kurdan Ewropa de qetil kena, senî ke verê şarî bodrûman de veşnayî nika zî wina binê xirban de terkê mergî kena.

No qederê ma nîyo û munkun nîyo ke nê polîtîkayî bi ser bikewê. Bi vatişê Abdullah Ocalanî: ‘‘Çîyo ke destê însanan ra ameyo viraştene, bi destê însanan eşkeno bibedilyo zî’’

Ewro hewcedarîya tewr lezgîne, Tirkîya û Kurdîstan de haştîye ya. Ocalanî bi desan serrî seba na haştîye bêmabên xebitîya. Demê azadîya ey ameyo.

Seba ney serrgêra 24ine ya remnayîşê Abdullah Ocalanî de ma vengdayîşê xo reyna vanê: ‘‘Abdullah Ocalanî rê azadîye, Kurdistanî rê aştîye!’’