Rayberê Şarê Kurdî Abdullah Oclanî ra 32 mengî yo xebere nîna girewtene. Abdullah Ocalano ke binê tecrîdê giranî de tewr peynî 31ê teşrîna verêne de cezaya dîsîplînî ya 6 mengan dîyaye ey û hîrê tepişteyanê bînan. Avukat Cemal Demirî vat ganî Abdullah Ocalan cade bibo azad.

Avukat Demirî bale ante muhîmîya Rayraşîyayîşê Gemlîkî ser û vat, ''Ganî  her ca û merkezê Tirkîya û Kurdîstanî ra vera Gemlîkî rayraşîyayîşo  girseyî bêro kerdene. Eke wina bibo na çalakîya tesîrê xo ramojnena û tetîceyêke kewno dest. No caardişo ke goreyê heqanê merdiman, sîstemê huqûqî yê Tirkî û pêkerdişanê mîyanneteweyî nîyo, ganî cade bêro wedaritene. No tecrîd ameyo hinî yew merhale ke ganî hinî tecrîd nê azadîya fîzîkîye bêro rojdem. Ganî Rayberê Şarê Kurdî Abdullah Ocalan hinî bibo azad. Rayraşîyayîşê Gemlikî do netîceyanê pozîtîfan vejo werte. Ewro ra tepîya ganî xebatê pratîkî bêrê kerdene. Verê CPT û dezgehanê pabesteyanê ci û Parlamentoyê Ewropa de çalakîyî bêrê kerdene.  Ganî gamê zixmî bêrê eştene.''