Dengbêj Feyzoyê Rizoyî şaristanê Krasnadorî yê Rûsya de vizêr şan kanserî ra dinyaya xo bedilnaye. Cenazaya Rizoyî siba do bêra definkerdene.

Feyzoyê Rizo birazîyê dengbêj Şeroyê Biroyî yo û 1954 de dewa Vermezyara ya qezaya Erîvanî ya Armenîstanî de dadîya xo ra bîyo. Rizoyo ke kurdanê êzidîyan ra yo, tehcîrê armenîyan ra ver keyeyê ci koçê Îdirî, uja ra zî koçê Armenîstanî kerd. Vengê Rizoyî 26 serran radyoya Erîvanî ra vilayê pêro Kurdîstanî bi.

Rizo 2003 de xeylêk şaristananê Kurdîstanî de Egîdê Cimoyî reyde vejîya sehne ser. Feyzoyê Rizoyî fîlmê Hinar Saleemî ''Vodka Lemon'' de Cîmoyî reyde kay kerdbi.