Partîya Demokrasîyî û Têdûştîye ya  Şaran (DEM Partî) Dêrsim de boruyê weçînayîşî akerd. Wekîla Dêrsimî Aytene Kordu û namzedê hemserekîye yê Şaredarîya Dêrsimî Birsene Orhan û Cevdet Konat tewrê akerdişî bîyî.

Şar taxa Turişmekî ra heta sûke bi konveyê wesayîtan şi. Konvoy vengê DEM demê ma yo û bi coşî resa merkezê bajarî. Dima ver bi buroyî rayraşîyayîş ame kerdene. Rayraşîyayîş de sloganê sey , “Jin jiyan azadî”  û  “Biji berxwedana gelê Kurd”  ameyî vatene. Akerdişo ke bi şîarê “Wurza Dem ame” ame kerdene de şarî bi deyîranê kirmanckî govende girewte.

Aktîvîteya akeridşî de kesê ke îtîfaqê Dêrsimî de yê namzedanê serekîya şaredarîye qiseykerdişê kilmî kerdî.

Aytene Kordu qiseykerdişê xo de nê vatî: ''Faşîzîm her het girewto. Her hetî de madeyê kungkerdişî est o. Madenê kolonî est ê. Ma do destûrê nê medê. Ma do şaredarîya xo peyser bigerê û bajarê xo bipawê. Ma veng danê şarê xo ke wa nê demî tewrê xebatan bibo ke ma pêro pîya ser bikewê.''

Qiseykerdişê Aytene Kordu hergo bi slogananê ''Dêrsim do bibo mezelê faşîzmî'' biriya.

Bîrsene Orhan şîîra ''Heta ke rîyê erdî bibo rîyê eşqî'' ya Şaîr Adnan Yucelî wende û vat: ''Ma do Dêrsimî bi ehleqê şorişgêrî yê welatperwerî  û aqilî îdare bikerê. Xizir wa bibo hetkarê ma. Rayîrê ma akerde bo.''

Cevdet Konak zî nê vatî: ''Ma do problemanê her taxa xo komîsyonanê xo de bîgerê dest û çareser bikerê. Butçeya Şaredarîya Dêrsimî do şarî rê akerde bo. Ma do pêro pîya çareser bikerê. Tîya bajaro tewr pîl yê kizilbaşan o. Ma wazenê vîrê bajarê elewîyan vejê werte.''

Badê qiseykerdişan boroyê weçînayîşî hetê Dayîkanê Haştîye ra ame akerdene.