33 kesê ke 2ê temmuza 1993yî de Otêla Madimakî ya Sêwasî de ameyî qetilkerdene serrgêra şehadatê înan de Dêrsim de ameyî yadkerdene.

Komeleya  Pîr Sûltan Abdalî pîya bi Şaredarîya Dêrsimî û Kitabxaneyê Timurogluyî xebatêka hempare kerde. Meydanê Seyîd Rizayî de bi paştdayîşê hunermend Mehmet Ozerî pêramotişê fotografan ame akerdene. Pêramotiş de fotografê kesanê ke ameyî qetilkerdene û manşetê rojnameyan ameyî mojnayene.

Aktîvîte de serekê Komeleya Pîr Sûltan Abdalî yê Dêrsimî Ekber Kayayî ard ziwan ke ê do  têkoşînê demokrasîyî bidê domnayene.