Dêrsim de serrgêra 86. ya îdamkerdişê Seyîd Riza û embazanê ci de aktîvîteya yadkerdişî ameye kerdene.

Hemsereka Pêroyî ya DBPyî Çîgdeme Kiliçgun Uçar û temsîlkarê partîyanê sîyasîyan û rêxistinanê komelê sîvîlî yê bajarî tewrê aktîvîte bîyî.

Eşkerayîya bi nameyê Platformê Kede û Demokrasîyî yê Dêrsimî de ame waştene ke wa cayê mezelê Seyîd Riza û embazanê ci bêro eşkerakerdene.

Çîgdeme Kiliçgun Uçar zî vera polîtîkayanê dewlete yê serê Dêrsimî nêrazîbîyayîş mojna û vat, "Şima verê dewlete de çok nêda, ma zî çok nêda. Rayîrê şima rayîrê ma yo. Ma xo vîra nêkerd, ma do vîra mekerê."

Wekîla HEDEPî ya Dêrsimî Aytene Kordu zî ard ziwan ke ê do bi têkoşînê Seyîd Riza û embazanê ci rayra şirê û vat, "Ma wazenê cayê mezalanê xo bizanê. Wa berpirsîyarî bêrê muhakemekerdene û nameyê Dêrsimî peyser bêro dayene. "

Çigdeme Kiliçgun Uçar û tewrbîyayoxî semedê yadkeridşî şîyî dewa Agdatî ya Pulurî ya ke dewa Findik Agayî ya.