Amed de 16ê hezîrane de 16 rojnamegerê kurdî ameybî tepiştene û erşawîyabî zîndanî.

Dîya zanayene ke îdareyê Zîndanê Amedî dest na mektubanê Hemserekê DFGyî Serdar Altan, Mudirê Karanê Nuşteyî yê Xwebûnî Mehmet Alî Ertaş û edîtorê Xwebûnî Zeynel Abîdîn Bulutî ser.

Heyetê Dîsîplînî yê Zîndanê Amedî nê mektubê ke erşawîyayê rojnameger Huseyîn Aykolî sey 'tehlukeyînî' dîyî û bi bahaneya 'beno ke tede propagandaya rêxistine yena kerdene yan zî xebere dîyena rêxistine' dest na mektuban ser.