Roniştişê diyînş yê dewaya çalakîyanê Parka Gezî ewro dest pêkerd. Dawa de 16 kesê ke tede Osman Kavala zî esto, yenê hukmkerdene.

Roniştişê diyînî yê Mehkemeya Ceza ya Girane ya 30'ine ya Îstanbul de dest pêkerd. Roniştişê 16 kesê ke 6'ê înan fîrar ê, salona hemverê Kampusê Zîndanê Sîlîvrî de yeno dîyene. Wekîlê Partîya Şaran a Demokratîke (HDP) û Partîya Komare ya Şarî (CHP) , pawitoxê heqan ê merdiman, heyetê xerîbî û zafê kesê ke mehkeme taqîb kenê ameyî. Roniştiş de vera awile ame waştene ke bi SEGBÎS'î îfadeyê Orhan Aydinî bêro girewtene. La seba ke sîstemê vengî yê salone  nêxebitîyo, heyetê mehkeme qerar girewt ke şahîd salonêka bîne de bêro goşdayene. Heyetê mehkeme, heta ke şahîd salonêka bîne de bêro goşdayene, qerar da ke roniştiş taloq bike.