Dewaya Kobanê de cezaya 30 serran û 3 aşman dîyaye Fîgene Yuksekdag, cezaya 42 serran dîyaye Selahattîn Demîrtaşî. Pêro pîya bi seyan serran ceza dîyaye sîyasetmedaran. 5 sîyasetmedar zî ameyî tehlîyekerdene.
Dewaya Kobanê ya ke 18 înan tepişteyî derheqê 108 sîyasetmedaran de ameye akerdene ewro roniştişê qerarî ame kerdene. Roniştişê qerarî de yo ke Kampusê Zîndanê Sîncanê Anqara de ame kerdene, cezaya bi seyan serran dîyaye dîyasetmedaran.
Gama ke heyetê mehkeme qerarê xo eşkera kerd kesê ke heyate de bî da masayan ro. Qerar bi slogan û çapikan ame protestokerden. Avukatî heyate ra vejîyayî. Qerar heyate veng de ame eşkerakerdene.
Sîyasetmedarê tepişteyê ke tewrbîyayîşê roniştişî red kerd wina yê: Figene Yuksekdag, Selahattin Demirtaş, Ali Urkut, Günay Kubilay, Nazmi Gür, İsmail Şengül, Bülent Parmaksız, Alp Altınörs, Sebahat Tuncel, Zeynep Karaman, Zeynep Ölbeci, Aynur Aşan, Ayşe Yağcı, Ayla Akat Ata, Dilek Yağlı, Pervin Oduncu, Meryem Adıbelli, Gültan Kışanak.
Dewaya Kobanê de cezaya 30 serran û 3 aşman dîyaye Fîgene Yuksekdag, cezaya 42 serran dîyaye Selahattîn Demîrtaşî. Pêro pîya bi seyan serran ceza dîyaye sîyasetmedaran. Gultane Kişanak, Sebahat Tuncel, Ayla Akat, Ayşe Yagci û Meryeme Adibelli yê ke Dewaya Kobenê de tepişteyî bî ameyî tehlîyekerden.
Cezaya 10 serran dîyaye Hemşaredarê Mêrdînî Ahmet Turk û Emîne Ayna. Cezaya muebetî ya Alu Urkutî açarîyaye 13 serran û 4 aşman. Cezaya 9 serran û 9 aşman dîyaye Ayla Akat û ameye tehlîyekerdene. Cezaya 9 serran dîyaye Aynure Aşan û qerarê dewam tepiştişî dîya. Aysele Tugluk , Beyza Ustun, Gursel Yildirim û Gulfere Akkaya ameyî beraatkerdene. Cezaya 9 serran dîyaye Ayşe Yagci û ameye tehlîyekerden. Gultane Kişanak û Sabahate Tuncel ameyî tehlîyekerdene. Bircan Yorulmaz, Sirri Sureya Onder û Can Memişt ameye beraatkerdene. Bi sûcadarîyanê cîya cîyayan cezaya 23 serran dîyaye Bulent Parmksizî. Cezaya 20 serran û 6 aşman dîyaye Dileke Yagli û Gunay Kubilayî.
