Bajarê Stuttgartî yê Almanya de 3ê înan tepişteyî 5 kurdîstanijî yenê muhakemekerdene. Mutalaya dewa ameye eşkerakerdene. Dozgerî semedê 5 kesan cezaya hepsî ya 17 serran waşte.

Dewaya ke hîrê serrî yo Stammheim de yena domnayene roniştişê ci yo 87. ame kerdene. Mutalaya ke hewteyo ravêrte wendişê ci ame destpêkerdene perey ame temamkerdene û dozgerîye kurdîstanijê ke madeyê 129byî ra yenê muhakemekerdene înan rê cezaya hepsî waşte.

Dozgerîye ke derheqê êyê ke tepişteyî de qerarê dewamê tepiştişî da bitaybetî Veysel S.yî rê cezaya zêde waşte. Dozgerîye Veysel S. sey ''endam û îdarekarê PKKyî''  hesibna û bi îdîayanê falîyetanê 2014 û 2018î  cezaya 5 serran û 4 mengan daye ci.

Kurdîstanijê ke bînê ke bi îdîaya '2paştdayîşê PKKyî '' tepişte yenê muhakemekerdene  înan ra Ozkan T.yî rê cezaya 3 serran û 9 mengan, Agît K.yî rê cezaya 3 serran û 10 mengan ameye dayene. Kurdîstanijê ke bêtepiştiş yenê muhakemekerdene înan ra Cîhan A.yî rê cezaya 1 serre û 10 mengan û Evrîme A. rê cezaya 2 serran û 6 mengan ameye dayene.

Goreyê eşkerayîya avûkatan qismêkê îdîayanê vera kurdîstanijanê ke yenê muhakemekerdene îfadeyê îtîrafker Ridvan Ozdemîrî ra ameyî girewtene. Rixmo ke dozgerîye tesbît kerd nê îdîayî raşt nîyê zî nê vera înan şuxulnayî.

Dozgerîye xebatê kurdîstanijanê sîyasî yê Ewropa sey sûcî hesibnayî. Goreyê nayî kampanyayê paştdayîşî, organîzasyonê aktîvîteyan, vilakerdişê bîletan, xebatê vîjnayîşî û eşkerayîyê ke medyaya kurdî de ameyî dayene  sey sûcî ameyî vînayene..

Roniştişo bîn ê dewa do 15ê nîsane de bêro kerdene.