78 serrî verrrî 30ê temmuza 1943î de 33 dewijê ke destê înan girê dîyabî kişta Çemê Sefoyî de serê sînorê Îranî de pê fermanê Orgeneral Mustafa Muglaliyî dîyabî guleyan ver, ameyî qetilkerdene. No qirkerdiş bi îdîaya 'qeçaxçîtîye' ame kerdene. Qirkerdişî ra têna dewijêk xelisîya û 7 serran ra dima qala qirkerdişî kerde. Naye ser o Kişlaliyî rê cezaya dardekerdişî dîyaye dima ceza vurîyaye muebede.

Rêxistina HDPyî ya Wanî 33 kesî qezaya Sarayî de yad kerdî. Hemserekê HDPyî yê Wanî Fîkret Dogan, Hemserekê DBPyî yê Wanî Çetîn Uyar, Wekîla HDPyî ya Wanî Muazzeze Orhan û xeylêk endamê partîye tewrê yadkerdişî bîyî.

Semedê qurbananê qirkerdişî deqayêk rêz ame girewtene û qeranfîlî ronîyayî verê bînaya hukmatî.

Wekîla HDPyî ya Wanî Muazzeze Orhan da zanayene tarîxê Komara Tirkîya pê qirkerişan dekerde yo û vat: ''Çemê Sefoyî hetê dewijêkî ra amebi eşkerakerdene. La hema zî nêzanîyeno gorê nê dewijan kamca de yê. Dewleta tirke hema zî vera kurdan polîtîkaya îmha û înkarî ana ca. Ugur Kaymazî ra heta Mizgîne Bîngol, Ceylane Onkol, Dayîke Taybet, Servet Turgut, Hacî Bîrlîkî bi seyan ciwanî kişîyayî la kiştoxî nêameyî cezakerdene. Her rojde serê sînorî de dewlete merdiman kişena û birîndar kena.''