Îran û Rojhelatê Kurdîstanî de dima ke 16ê êlula 2022yî de Jîna Emînî hetê polîsan ra amebî qirkerdene seredaritişê bi şîarê 'Jin, Jiyan, Azadî' dewam keno. Dewleta Îranî kena ke pê tepiştiş, cezakerdiş, qetilkerdiş, îdam û jehrîkerdişê wendekaranê cinîyan xoverdayîşê şarî biqedîna.

Aktîvîsta heqanê merdiman û perwerdekare Leyla Zîafar seba ke hesabê xo yê medyaya dîjîtale de paştî daya xoverdayîşê 'Jin, Jiyan, Azadî' hetê dewleta Îranî ra tepişîyaye. Polîsanê Îranî eşt keyeyê waya Leyla ser û dest na hacetanê Leyla ya teknîkan ser.

Leyla Zîafar nê mesajî ra semed tepişîyaye: ''Nê rayîrî ra agêrayîş çin o. Ma seba ke tesetır û esaretî wedarnê şehîdî dayî. Ma do nêverdê ke gonîya şehîdanê ma bigêrîya binê payan.''