2 serran ra zêdeyêr o herêma Besta ya Şirnexî û Koyanê Cûdî û Gaberî de binê çimdarîya hêzanê dewleta tirke ya îşxalkere de warê daristanan yenê talankerdene. 

Bi taybetî dewanê Keniyamîr, Birateto, Birapeşo, Deyndarok, Cinîwer, Belûzer, Rîsor, Serêrû, Tîkera, Qurteka Pêşya, Girêdeyince, Şêrevan, Xirtkbestê û Navyanî yê Besta de darî hetê qoricîyan ra birîyenê.

Dewleta tirke hem daran birnena hem zî berê rantî akena. Nê darê ke birîyayê, serê torranê medyaya dîjîtale de yenê rotene. Darî facebook de bi sernameyê 'Şirnex de destê diyînî ra roşena' yenê rotene.

Kesê bi nameyê Memo Canî fotografê kamyonêka dekerde bi nuşteyê 'Darî roşîyenê, sewqîyat her cayî rê est o, sewqîyat bi hezar û 150 lîra aîdê şima yo' vila kerd.

Ame parekerdene ke sey Canî xeylêk kesan fotografê winasênî medyaya dîjîtale de vila kerdê.