Ama  zanayene ke Îstanbul de xeylêk dibistane û mektebanê mîyanênan de Şubeyê Musnayîşê Dînî yê  pabesteyê Mudirîya Perwerdeyî yê Milî semedê Îdlîbî pere arê danê.

Dewleta tirke ke macîranê surîyeyijan her hetî ra goreyê karê xo şuxulnena merdimanê çeteyanê îdlibijan çarçewa operasyonê pakîya etnikîye de Efrîn, Cerablus, Bab Ezaz, Serêkanîyê û  Girê Spî de ca kena. Tirkîya Îdîa kena ke Îdlîbî ra mîlyonêk multecîyî sînorê înan de yê la destûr nêdena ke ê bikewê Tirkîya. Rejîmê Anqara multecîyan semedê pere arêdayîşî zî şuxulneno û narey hedefê înan de domanî estî. Kombîyayîşanê Yewîya Keyeyan a Mektebî ke qefilneyê yenê kerdene de domanan rê zerfî yenê vilakerdene ke pere bidê arê. Reyna grûbanê Wahtsappî yê heme sinifan de nuşteyo ke binê ci de morê Mudurê Perwerdeyî yê Milî yê qeza Bagcilarî Mustafa Yilmazî esto yeno parekerdene ke keyeyê doman zî vînê. Binê nameyê hetkarîya macîranê Îdlîlî wendekaran ra pere arê danê. La nê pereyî ça de yêne şuxulnayene derheqê ci de zanayîşo zelal çîn o.