Mayanê Şemeyî û aktîvîstanê heqanê merdiman hewteyê 984. yê çalakîya xo de Meydanê Galatasarayî de aqîbetê Maksut Tepelîyî pers kerd.

Maksut Tepelî 2yê sibata 1984î de Îstanbul de netîceya guleyanê polîsan de birîndar bibi, dima zî amebi destbendkerdene û dima tira xeberêke nêamebî girewtene.

Hemsereka ÎHDyî ya Îstanbulî Gulserene Yolerî da zanayene ke goreyê şahîdan Maksutî Şubeyê Polîsan ê Gayrettepe de îşkenceyêko giran dîyo, wedarîyayo nêweşxane la dima tira xebere nêameya girewtene. Gulîstane Yolerî vat: ''Xîretan ra dima meqamanê resmîyan qebul kerd ke cenazaya Maksutî Goristanê Bêkesan ê Helvcidedeyî de ameya definkerdene. La seba ke cayê cenaza tam nêame eşkerakerdene cenazaya ey nêdîyaya.''

Cinîya Tepelîyî Şehrîbane Tepelî vat: ''Ma tim vatêne ke zewajê kênaya xo zî do bivînê. Nika tornê mi est ê la Maksutî ê nêdîyî. Ma do tim edaletî biwazê.''