Îdarekarê Dev Yapi Îşî yê Antakya Osman Unelî ke ANFyî rê qisey kerd, vat tîya dewlete çîn a.

Osman Unelî vat: ''Ma panc rojî yo tîya de yê. Di rojê verênî ma tewrê xebatanê cigêrayîş û xelisnayîşî bîyî. Zexîreyo ke yeno ma wesayîtan ra anê war. Xeyman nanê ro. Çend rojî yo ma hende ke tîya meyîtî û kesê ke cuya înan rijîyaya dîyî , ma hîsê xo vînî kerdî.

Roja hîrêne, çarine  de AFADî ra têna zerrîwazîyî ameyî ke ekîpman û tecrubeyê înan zî çînêbi. Tîya ekîbê fermî çîn ê. Şorişgêr û welatperwerî tîya tewrê xebatanê xelisnayîşî benê.  Badê hîrê rojan dezgehê fermîyî pê çekanê xo ameyî.

Antakya nêmenda. Awanîyê pêt nêmendî. Êyê ke payra yê zî kolonanê înan xesar dîyo. Bajarî do sey Sûrî veng bikerê, newe ra înşa bikerê û biaçarnê warê rantî.''