Komeleya Rojnamegeran a Dîcle Firatî (DFG) derheqê binpaykerdişê heqanê rojnamegeran de raporê xo yê tebaxe eşkera kerd.

Rapor de ame vatene ke binpaykerdişê vera rojnamegeran zêdîyenê. Goreyê raporî tebaxe de 5 rojnamegerî ameyî destbendkerdene, erzîya keyeyê rojnamegêrêkî ser, 2 rojnamegerî tepişîyayî, 11 rojnamegerî raştê hêrişî ameyî, 5 rojnamegerî raştê kerdişanê xiraban ameyî, 8 rojnamegeran rê gef ame werdene û 5 rojnamegerî zî wextê teqîbê xeberan de ameyî astengkerdene.

DFGyî vera rojnamegeranê tepişteyan 37 binpaykerdişê heqan tesbît kerdî. Goreyê raporî tebaxe de vera 4 rojnamegeran tehqîqat, vera 20 rojnamegeran dewa ameye akerdene.

DFGyî da zanayene ke 79 rojnamegerî tepişte yê, 3 dezgehanê çapemenîye rê ceza dîyaye, 22 weşanî ameyî qedexekerdene, cezaya pereyî dîyaye 5 weşanan, 3 dezgehê weşanî zî ameyî vindarnayene. 

4 keyepelê înternetî ameyî qefilnayene, 115 xeberî ser o bira qedexeyî est a, medyaya dîjîtale de 4 tedeyîyî ameyî qedexekerdene.