Komeleya Rojnamegeranê Dîcle û  Firatî derheqê rojnamegeran de ke ameyî destbendkerdene ewro eşkerayîyêka nuştekîye kerde. Eşkerayîya DFGyî de ame vatene ke vînkerdişanê Îdlîbî yê dewleta tirke ra dima alozîya ke ameye meydan dewam kena. Eşkerayîye de ame vîrvistene ke serebûtê Îdlîbî ra dima medyaya komelkîye ameye astengkerdene û wina ame vatene: ''Eşkera yo ke arancê naye astengkerdişê zanayîşgirewtişê şarî yo.''

Eşkerayîye de derheqê koçberan de zî nê îfadeyî estê: ''Sere de Edîrne sînor de yew sixletîye esta û trajedîyêke ha yena ciwîyayene. Sînor de ganê koçberan ameyî vistene mîyanê tehlûkeyî.''

Destbendkerdişî

Eşkerayîye de ame vîrvistene ke Edîrne de sînor de muxabîrêê Ajansê Mezopotamya Îdrîs Sayilgan, Nacî Kaya; muxabîrê Rûdawî Rawin Stêrk, kameramanê Rûdawî Mehmet Şîrîn Akgun ameyî destbenkerdene û Mudiro Pêroyî yê Weşanan ê Yakin Doguyî Alptekîn Dursunoglu zî semedê vilakerdişê ci yê medyaya komelkîye ra ame destbendkerdene.

Eşkerayîye de ame eşkerakerdene ke 3 rojnamegerê Sputnikî zî ameyî destbendkerdene û ame waştene ke pêro rojnamegerî cade bêrê veradayene.