Hemsereka Şaredarîya Erdîşî Dîba Keskîne û sereka pêroyî ya ESPyî Çîçek Otlu yê ke Zîndanê Girewteyî yê Cinîyan ê Sîncanî yê Enqereyî de yê seba paştîdayîşê grevê vêşanîye ya Leyla Guvene dest bi grevê vêşanîye yê 10 rojan kerd.
Sereka pêroyî ya Partîya Sosyalîste ya Eciqyayeyan (ESP) Çîçek Otlu û hemsereka Şaredarîya Erdîşî ke herinda ci de qeyûm amebi tayînkerdene Dîba Keskîne yê ke Zîndanê Girewteyî yê Cinîyan ê Sîncanî yê Enqereyî de yê eşkera kerd ke înan seba paştîdayîşê grevê vêşanîye yê hemsereka Kongreya Cimatî ya Demokratîke (KCD) û parlamentera HDPyî ya Colemêrgî Leyla Guvene dest bi grevê vêşanîye yê 10 rojan kerdo.
'LEYLA GUVENE TENA NÊYA'
Çîçeka ke vizêr merdimê xo dîyî da zanayene ke aye û hemsereka Şaredarîya Erdîşî Dîba Keskîne dest bi grevê vêşanîye yê 10 rojan kerdo. Çîçeke vat: "Ma waştişanê Leyla Guvene heqdar vînenê û wayîr vejênê. Roja 50ine ya na çalakîya birûmete de seba paştîdayîşî ma zî dest bi grevê vêşanîye yê 10 rojan kerd. Seba ameyoxo azad, seypê û bi biratî yê şaranê ma yê ke wayîrê nasname û bawerîyanê cîya yê no waştişê aye ganî bêro qebûlkerdene. Leyla Guvene tena nêya."
