Qezaya Meramî ya Konya de 7 ferdê keyeyê Dedeogullariyî ameybî qetilkerdene. Dîmenê qirkerdişê Konya vejîyayî wert. Dîmenan de dîyeno ke kiştox pê zorê çeke ferdanê keyeyî baxçeyê keyeyî de arê dano û dima înan qetil keno.

Avûkate Mavîşe aydin Ajansê Mezopotamya rê dîmenî şîrove kerdî.

Aydine vat: ''Çarçewa tehqîqatî de 3 kameratî qeydî de yê. Nînan ra yew ameyo deşîfrekerdene, êyê bînî hema nêameyî deşîfrekerdene. Qeydê deşîfrekerdeyî de kiştox qasê 35-40 deqayan aseno. Nê qeyî de têna yew hêrişker esto.

Nê qeydê kamera ke kiştox saete 17.50 de wesayîtê xo ano verê baxçeyê keyeyî. Na hele de dîyeno ke kênaya tewr qije ya keyeyî û waka ci mara cîranan ra yenê. Wexto ke kiştox wesayîtê xo ano verê baxçeyî payan ser o sohbet kenê. Dima kiştox keweno zere. Yaşar Dedeogullari û kiştox pîya serê kursîyan de ronişenê. O çax cinîyê keyeyî zî kişta înan de serê kerrayan de ronişenê. 5 kesî fîlan ê. Tay qisey kenê. Qiseykerdiş qasê 20 deqayan dewam keno. Dima keye kiştoxî oxir keno. 18 deqayan ra pey kiştox agêreno. Keye kiştoxî rê ber keno a. Kiştox yeno zere, nişeno ro. Destê ci de poşeto kewe esto, kiştox poşetî ra çeke vejeno. Wexto ke kiştox çeke teqneno kenaya qije xo erzena kiştoxî ser ke çeke destê ey ra bigêra. Dima cinîya bîne zî xo erzena kiştoxî ser. Dima ê bînî zî daxîlê ney benê. Kiştox qeydeyêk destê înan ra xo gêno. Bineyk dûrî vindeno dima agêreno û guleyan erzeno pêro ferdanê keyeyî ser.''