Wekîlê Partîya Çep a Keske yê Wanî Mahmud Dîndarî derheqê tecrîdê vera Rayberê Şarê Kurdî Abdullah Ocalanî û prosesê verê ma de ANFyî rê qisey kerd.

Dîndarî dîyar kerd ke tecrîdê Îmraliyî meseleya tewr girînge ya û ard ziwan ketecrîd nika pêro welatî rê yeno ferzkerdene. Dîndarî vat: ''Meseleya Tirkîya ya bingeyîne meseleya kurdan a. Heta ke na mesele çareser nêba meseleyê bînî zî çareser nêbenê. Eke tecrîd wedarîyo verê Tirkîya do bêro akerdene. Sebebê pêro krîzan tecrîdê vera Birêz Ocalanî yo. Birêz Ocalanî vatbi ke o eşkenê pêro meseleyan hewteyêkî de biqedîno. Coka ganî destûr bêro dayene ke Birêz Ocalan avûkatanê xo bivîno.''

Dîndarî bale ante ser ke Abdullah Ocalan seba qedînayîşê şer û prosesê krîzî aktorêko bingeyîn o û vat: ''Teyna Partîya Çep a Keske ney ganî partîyê bînî vera tecrîdî vejîyê. Seba ke krîzanê ekonomîk, sîyasî û komelkîyan ra bêro xelisnayene ganî peynîya tecrîdî bêra ardene. Hukmat bi xo rolê Birêz Ocalanî hol zaneno. No welat hewceyê haştî û aramî yo Ma bernameyê partîya xo de ca danê tecrîdî. Ganî her çî ra ver ma vera tecrîdî têkoşîn bikerê.''