Şarê Wanî seba Rayraşîyayîşê Gemlîkî yê 18ê Teşrîna Peyêne xo amade keno. Wekîlê HEDEPî yê Wanî Mahmut Dîndarî bi rayîrê ANFyî seba tewrbîyayîşê rayraşîyayîşî veng da.

Dîndarî vist vîrî ke Rayberê Şarê Kurdî Abdullah Ocalanî 25 serrî yo bi hawayêkê bêhuqûqî zîndan de tepişîyeno. Dîndarî vat: ''Nê prosesê nedîyarî de ke ma ameyoxê xo nêvînenê aktoro ke do haştîye bîyaro Abdullah Ocalan o. Hîrê serrî yo ey ra qetî xeberêke nêna girewtene, derheqê weşîya ci de agahîye çin a. Coka şarê ma qerqilîyeno. Koma HEDEPî Wezîrîya Edaletî de têkilîye naye ro û waşt ke cade Abdullah Ocalanî bivîna. La cewab nêdîya ma.''

Dîndarî îfade kerd ke ê xebatanê xo rê pêro herême, qeza û şarisanan de dewam kenê û vat: ''Şarê ma wa ancî vera tecrîdî, wayîrê haştîye vejîyo. Ma do bi xebatêka xurte tecrîdî bişiknê. Ez hêvî kena ke hukmat rayraşîyayîşê ma asteng nêkero. Şarê ma wazeno ke Birêz Ocalanî teber de bivîno. No yew heqêko xozayî û meşrû yo.''