Zanîngehê Calabria ra Doç. Laura Maria Corradi îfade kerd ke Rayberê Şarê Kurdî Abdullah Ocalanî bi analîzê xo yê serê dewlete û pederşahîye tecrubeyê pîlî pêşkêşê têkoşînê azadîye yê dinya kerdê.
Akademîsyena Zanîngehê Calabria yê Îtalya Doç. Dr. Laura Maria Corradi derheqê îdeolojîya Rayberê Şarê Kurdî Abdullah Ocalanî de ANFyî rê qisey kerd.
Doç. Dr. Laura Maria Corradi ard ziwan ke tecrîdê vera Rayberê Şarê Kurdî Abdullah Ocalanî kerdişêko zalîmane yo û dewleta tirke bi nê tecrîdî heqanê merdiman binpay kena. Laura vat: ''8ê teşrîna verêne serrgêra 25. bîye ke Abdullah Ocalan bi sozê multecîtîya sîyasîye amebi Îtalya. Hukmatê Îtalya soz dabi ey la sozê xo nêard ca. Dima Abdullah Ocalan Kenya ra teslîmê Tirkîya ame kerdene.
Abdullah Ocalanî rixmê şertanê Îmraliyî zî zîndan de sîstemê medenîyetê merkezî analîz kerd. Komelo mîyanneteweyî yo ke paştî dano waştişê azadîye yê şarê kurdî, derheqê Abdullah Ocalanî de serranê peyênan de beno wayîrê hîna zaf agahîyan. Bi hezaran merdimî eleqe mojnenê nuşteyanê Ocalanî. Kitabê Ocalanî bi taybetî Sosyolojîya Azadîye bi xeylêk ziwanan weşanîyayî û zaf eleqe vînenê. Ocalan hucreyêk de tepişîyeno la rixmê ney zî ber ano. Ocalanî bi analîzê xo yê serê dewlete û pederşahîye tecrubeyê pîlî pêşkêşê têkoşînê azadîye yê dinya kerdî.''
