Endamê Heyetê Rayberdişî yê Merkezî yê HDPyî Dogan Erbaşî derheqê hêrişanê vera kurdan û tecrîdê vera Rayberê Şarê Kurdî Abdullah Ocalanî de ANFyî rê qisey kerd. 

Dogan Erbaşî hêrişê Afton, Anqara û Konya yê vera kurdan vistî vîrî û vat: ''Sebebê nê hêrişan ziwano cîyaker û nîjadperest ê îqtîdarî yo. Îqtîdar qirkerdişê keyeyê Dedeogullariyî ra mesuldar o. Heta ke tecrîdê vera Birêz Ocalanî dewam bikero krîz û kaosê Tirkîya do nêqedê û hêrişê winasênî dewam bikerê. Tecrîd bi xo sîyasetê qesasî yo. La heta ke tecrîd nêqedo Tirkîya demokratîk nêbena. Heta ke Tirkîya demokratîk nêba meseleya kurdan çareser nêbena.''

Erbaşî da zanayene ke tecrîd tercîhêko sîyasî. Erbaşî raporê CPTyî û birê Mehkemeya Heqanê Merdiman a Ewropa vist vîrî. Erbaşî vat: ''Ewro huqûq nêro caardene la no nêno a mana ke ma do têkoşînî ra fek vera bidê. Nê esasî ser o ma ganî paştî bidê grevê vêşanîye yê zîndanan.

Abdullah Ocalanî ra wextêkî ra nata xebere nêna girewtene. Abdullah Ocalan roja verêne ra nata Îmrali de xo ver dano. Ganî ma wedaritişê tecrîdî reyde têkoşînê azadî û demokrasî berz bikerê û dormeyê Abdullah Ocalanî de ca bigêrê.''