Dokumanterê Ganîbîyayîşê Kurdan-Vejîna Kurd yo ke hetê Komunê Dokumenterî yê Şehîde Gulîstane TARA ra ame amadekerdene raştê xeylê astengan  ame.

Tewr peynî de platformê YouTube bi îdîaya ''binpaykerdişê poltîkayanê rêxistina sûcî'' hesabo fermî yê dokumenterî esterit.Viraştoxanê dokumenterî vera nê hêrsê xo ard ziwan.

Komunê Dokumenterî yê Şehîde Gulîstane TARA vat: ''Dokumenter de bi şahîdanê dewrî û belgeyan bi hewayêkê objektîfî qala tarîxî yena kerdene la no yeno astengkerdene. Rixmê heme astengkerdişan dokumenter waranê cîya cîyayan de dewam keno. Kam ke wazeno eşkeno badê Stêrk TV û Medya Haber Tvîyî serê Telegram kanalı ra seyr bikero.''

Reyn a do demê kilmî de hetê Komunê Dokumenterî yê Şehîde Gulîstane TARA ra sîteyêko newe yê înternetî bêro akerdene. Nê platformî ra do heme beşê dokumenterî bêrê parkerdene.