Şûbeyê Amedî yê Komeleya Heqanê Merdiman (ÎHD) raporê binpaykerdişanê heqan ê serra 2024î bi kombîyayîşê çapemenîye eşkera kerd.

Serekê Şûbeyê Amedî yê ÎHDyî Ercan Yilmazî ard ziwan ke çaresernêkerdişê meseleya kurdan beno sebebê binpaykerdişanê heqan ê giranan.

Hetkara Hemserekanê Pêroyî yê ÎHDyî Rumeysa Deniz Kaya zî vat binpaykerdişê heqan par zêdîyayî û bi hewayêkê sîstematîkî dewam kerd.

Rumeysa Deniz Kaya bale ante muhîmîya vengdayîşê Rayber Apoyî yê 27ê sibate ser û vat no vengdayîş firsetêko muhîm o. Rumeysa Deniz Kaya veng da hukmat û dewlete ke wa xerîtaya rayîrî  bêro averberdene û zemînê muzakereyan bêro pêardene û vat gerek pêro hetî dahîna zaf xîret bikerê.

Goreyê raporî netîceya binpaykerdişanê heqan ê Vakurê Kurdîstanî de 31 wezîfedarê dewlete, 116 mîlîtanê çekdarî û 117 sîvîlî zî tede tewr tay 264 kesan dinyaya xo bedilnaye, 21 wezîfedaranê dewlete û 142 sîvîlî tewr tay 163 kesî bi tewirîna cîyayan birîndar bîyî.