Merkezê Îrtîbatî û Çapemenîye yê YPGyî ê kesê ke 25ê nîsana 2017î de, Qereçox de hêrişanê dewleta tirke yê vera Radyoyê Rojawanî, dezgehanê çapemenîye û qerargehê leşkerîye de şehîd bîyê yad kerdî.

YPGyî vat: ‘’Koyê Qereçoxî yê Dêrikî de 25ê nîsana  2017î de hêrişê artêşa tirke ya îşxalkere de 20 embazê ma şehîd bîyî û 18 embazê ma zî birîndar bîyî. No hêriş wexto ke ma Reqa û Tebqa de vera DAÎŞî operasyonê girîngî kerdêne ame kerdene. Dewleta tirke waşt ke destkewteyanê Şorişê Rojawanî, têkoşînê ma yê azadîye çin bikera û çapemenîya ke wehşetê DAÎŞî dayêne eşnawitene bêveng bikera. LA rixmê ney zî DAÎŞ ame binvistene. 

Şehîdê Qereçoxî hem pawitoxê nê erdî, hem serkêşê cuya azade û têdûşte yê. Hetê bînî ra hîrê şehîdê cinîyî Heqî, Rêwane û Şîlane zî bîyî mîsalê têkoşînî. Şehîdê Qereçoxî sey mîmaranê şorişî derbazê tarîxî bîyî.

Ma şehîdanê xo bi qerardarî yad kenê. Erkê ma yo ke destkewteyanê şorişî bipawê û neqlsê neslanê neweyan bikerê. Bi na wesîle zî ma soz danê ke mîsyonanê xo bîyarê ca. Ma do tradîsyonê çapemenîya azade bi qerardarî bîyarê ca.’’