Taxa Karapinarî ya qezaya Erdemlî ya Mersînî de hîrê domanê kurdî yê 14-16 serrî O.Ş., Ş.Ş. û M.T. şewa serra newîye hetê cendirmeyan ra testê GBTyî ra dim ameyî destbendkerdene. Domanê ke ameyê berdene bi Qereqolê Cendirmeyan ê Mersînî seba ke dêsê telefonanê înan de nuşteyê 'Çukurova Anarşi' est bi ameyî derbkerdene.

Mengêke ra dima 29ê çeleyî de narey polîsan cendirmeyan reyde domanî destbend kerdî. Domanan nezaret de îşkence dî û ê raştê persanê sey 'Şima rêxistin ê, nê fotografî çita yê?' ameyî.

Domanan polîsan rê îfade da, vat ke ê Sêrtî ra seba xebate ameyê.

Polîsanê TEMÎ waşt ke domanî karî ra bêrê vetene. Hîrê domanan naye ser o muracatê Şubeyê Mersînî yê ÎHDyî kerd. Polîsan domanan rê telefon kerd û seba ke înan gerre kerdo, venga domanan da ke wa îfade bidê.

La avûkatanê ÎHDyî nêverda ke domanî şorê qereqolî.