Qezaya Lîce ya Amedî de 21ê adare de domano bi nameyê Y.D.yî (14)  gama ke agêrayêne keye hetê polîsanê tirkan ra amebi remnayene û raştê îşkenceyê giranî amebi.

Bado ke Ajansê Mezopotamya no wehşet da eşnwitene û nêrazîbîyayîşî zêdîyayî Serdozgerîya Komare ya Licê cipersayîş da destpêkerdene.

Çarçeweya cipersayîşî de venga Y.D.yî dîya ke semedê teşhîskerdişî şiro Fermandarîya Cenirmeyan ya Licê.

Goreyê zanayîşê ke keyeyê domanî dayî Y.D.yî  bê avûkatê xo verê dozgerî de hîrê polîsanê ke ci rê îşkence kerd, teşhîs kerdî.

Badê teşhîsê fotografinî, ame îdîakerdene ke yewê înan komîser hîrê polîsê ke derheqê înan de qerarê destbendkerdişî ame girewtene, Anqara de ameyî destbendkerdene.