14ê hezîrana 2018î de qezaya Pirsûsî ya Amedî de merdim û pawitoxanê Wekîlê AKPyî yê ê çaxî Halîl Îbrahîm Yildizî keyeyê Şenyaşarî ra 3 kesî qetil kerdbî. Emîne Şenyaşara ke di lajê ci û mêrdeyê ci ameybî qetilkerdene bi îdîaya 'Wekîlê AKPyî Îbrahîm Yildizî rê heqaret kerdo' derheqê ci de dewa amebî akerdene.

Roniştişê dewa ame kerdene. Dima zî dozgerî mutalaya xo eşkera kerde û seba Emîne Şenyaşar cezaya zîndanî ya 3 mengan ra heta 2 serran waşte.

Avûkatê Emîne Şenyaşar seba mutala wext waşt. Mehkeme taloqê 20ê kanûne ameye kerdene.

Heta nika derheqê Emîne Şenyaşar de 31 tehqîqatî û 10 dewayî ameyî akerdene.