Endama Yewîya Doktoranê Vera Şerê Nuklerî ya Mîyanneteweyîye (IPPNW) Dr. Gisela Penteker pare kerd ke dewleta tirke tecrîd kerdo yew polîtîka. 

Dr. Gisela Penteker ANFyî rê qisey kerd û da zanayene ke tecrîd teyna Girawa Îmraliyî de nîyo pêro komelî rê yeno ferzkerdene.

Dr. Gisela Penteker ard ziwan ke heqê merdiman ê bingeyînî yenê binpaykerdene û vat: ''Tecrîd yew îşkence yo û teyna vera Abdullah Ocalanî zî nêno kerdene. No sîstemê îşkenceyî  tesîrê her kesî keno û nêno qebulkerdene.''

Dr. Gisela Penteker pare kerd ke rêxistinê mîyanneteweyîyî verê tecrîdî de bêveng manenê û rexne kerd ke CPTyî çira derheqê zîyaretanê xo yê Îmraliyî de raporêk nêweşanayo.

Dr. Gisela Penteker dîyar kerd ke na bêvengîye ra û polîtîkaya tecrîdî ya dewleta tirke ra Rayberê Şarê Kurdî heqê xo yê weşîye bişuxilno û vat: ''Abdullah Ocalan ciwan nîyo, bedenê ci kokim o û coka ganî bi hawayêkê sîstematîkî muayene bibo. Ma zanenê ke ewro zîndananê Tirkîya de tepişteyê sîyasîyî binê kamyew şertan de tepişîyenê. Seba ke heqê xo yê weşîye bişuxilno ganî Abdullah Ocalan vera bidîyo, azad bibo.''