Edene de ciwanan vera tecrîdî çalakîya vengvetişî viraşte
Seyhanê Edene de ciwanan semedê protestokerdişê tecrîdê serê Ocalanî û paştdayîşê grevê vêşanîye çalakîya vengvetişî viraşte.
Mehlaya Şakîrpaşa ya qezaya Seyhanî ya Edene de semedê paştdayîşê grevê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî yenê viraştene, endamanê Mecîsê Ciwanan ê HDP’yî yê Edene çalakîyêk viraşte. Ciwanan bi sloganan azadîya Ocalanî waşte û û xoverdayîşo ke rayberîya Leyla Guvene de ameyo despêkerdene silam kerd.
