Bi seyan  polîsan saetanê rewî yê serê sibayî de eşt banê HDP’yî yê Edene û qezaya Seyhanî ser. 8 saetan ra zafêr o ke cigêrayîşî polîsan dewam keno. Polîsî destur nêdanê ke kes şiro zere.

Palamenterê Edene Kemal Pekoz û avûkatan dozgerî dir pêvînayiş viraşt, dima ra eşkayî şirê banê partîye yê Edene. Gama ke cigêrayîşê polîsan dewam kerdêne, Serdozgerîya Komare ya Edene da zanayene ke 11 endamê HDP’yî ameyî destbendkerdene.

Kesekê ameyî destbenkerdene nameyê înan wina yê: Hemseraka HDP’yî ya Edene Gulseren Turale, hemserekê qezaya Seyhanî Hazim Yalçin, namzedê endamê Meclîsê Şaredarîye yê Seyhanî Huseyîn Beyaz, endamo verên ê Meclîsê Şaredarîye yê Seyhanî Enver Okmen, hemserekê bajarî Zekî Eren, Alî Arslan û Yaşar Demîr.

Goreyê zanayîşan êyê ke ameyî destbendkerdene operasyonanê Edene û Amed de ameyî girewtene.