Mamosteyanê Egîtîm- Senî 22ê sibata 2016 de çarçeweya 21ê Sibate Roja Ziwanê Dayîke de mekteban de saetêke dersa kurdkî dayebî û derheqê înan de cezaya dîsîplînî amebî dayene. Mehkemeya Qanûnê Bigeyênî na ceza heqdar dîye. Şubeyê Egitim-Senî yê Amedî vera nê qerarî nêrazîbîyayîş mojna û vat ê nê qerarî qebul nêkenê.

Banê Egîtîm-Senî yê Yenîşehîr de eşkerayîye ameye dayene. Îdarekaranê şubeyî ra Fesih Zîrekî vist vîrî  keendamanê înan seba ke bale biancê muhîmîya ziwanê dayîke dersa kurdkî daye û vat: ''Ziwanê dayîke nasnameyê şaran o. Têna Tirkîya de 18 ziwanî binê tehlukeyê çînbîyayîşî de yê. Ziwanê dayîke heqo tewr bingeyên o. Astengkerdişê ziwanê dayîke binpaykerdişo tewr pîl ê heqanê merdiman o. Nê welatî de têna tirkî nê, kurdkî û xeylêk ziwanî bînî yenê qiseykerdene. Ganî nê ziwanan de perwerde bêro dayene. Bi qedexekerdişê ziwanan heqê merdiman yenê binpaykerdene. Rîyê na polîtîka ra bi serran o komel aver nêşino. Ganî nê qedexeyî bêrê wedaritene û heqê perwerdeyê ziwanê dayîke bêro caardene.''