Polîsanê ke hêrişê merasîmê endamê Grup Yorumî Îbrahîm Gokçekî kerd cenazaya ey Cemxaneyê Gazî ra remnaye. Xeylêk rêxistinanê elewîyan bi eşkerayîyêke hêrişê polîsan şermezar kerd.

Eşkerayîye bale ameye antene ke sereştişê cemxaneyî hêrişêko polîtîk o û nê ameyî vatene: ''Zîhnîyetê şima qey nêbedilyeno? No nefret û kîn ça ra yeno? Şima hêrişê cayê ma yê bimbarekî kenê ke elewîyan hurdî û bêerj û îtîqatê ma bêîtîbar bikerê. No faşîzm o. Şima bi nê tewirê xo yê tehdîtkarî nêresene cayêk. Cemxaneyî cayê ma yê bimbarek ê. Her yewê înan bi keda elewîyan ameye viraştene. Coka destê xo îtîqat û cemxaneyanê ma ya medê. Hînî nê zîhnîyetê vera elewîyan her çî eşkeno bêro kerdene caverdê. Şima pê bêhurmetîya vera elewîyan nêeşkenê raştîyan binimnê.''

Rêxistene ke eşkerayîye daye wina yê:

Konferdarayonê Yewîyanê Elewîyan ê Ewropa

Federasyonê Elewî Bektaşî

Fedarasyonê Komeleyanê Elewîyan

Komeleya Kulturî ya Pîr Sultan Abdalî

Waqfê Kulturî yê Anadolu yê Haci Bektaş Velîyî

Komeleyê Elewîyanê Demokratîkan

Cemxaneyê Gazî.