Nuştox û îlahîyatnas Îhsan Elîaçikî  derheqê hêrişanê vera goran de ANFyî reyde qisey kerd.

Elîaçikî pare kerd ke sey pêro bawerîyan Îslam de cenazayan rê hûrmet yeno kerdene û cayê ke tede qala Homayî yena kerdene, fîraz ê û ganî bêrê pawitene.

Elîaçikî da ard ziwan ke wextanê peyênan de berê îbadetxaneyî şikîyenê, ci rê bombayê gazî erzîyenê û destûr nêno dayene ke cenazayî bêrê definkerdene. Elîaçikî bale ante nê çîyî ser ke gef yeno wendene ke cenazayî do goran ra bêrê vetene û vêşnayene. Elîaçikî vat: ''Nê yenê  a mana ke faşîzmo dînî zêdîya. Kesê ke hêrişê cenazayan kenê îdarekaran ra hêz gênê. Çunke nê kesî nênê hîşyarkerdene. Texrîbatê goran, pê wesayîtê zirxînî kaşkerdişê cenazayan, girewtişê fotografê cenazayan warê heqanê merdiman ê unîversalan de, dîn de û qanûnan de sûc ê.

Kesê ke hêrişê goran kenê agêrayî seserra barbarîye û ganî Serekkomar, Wezîrê Karanê Zereyî û alîmanê dînîyan vera nê serebûtan eşkerayîye bidê û vajê ke 'Destê xo mede mergan.' Mabênê  nê serebûtan û Îslamî de eleqeyêk çin o. Nê hêrişkerî wazenê pê rayîrê dînî nefretê xo bivejê teber. Ez venga partîya îqtîdarî kena ke wa seba destpanêdayîşê cenazayan, îbadetxaneyan û goristana wa veng bidê.''