Vizêr Amed de sereştişan de etkara Hemserekanê Partîya Bindestan a Sosyalîste (ESP) Beycane Taşkiran, Endama Heyetê Rayberdişê Merkezî yê Meclîsê Cinîyan ê Sosyalîstan (SKM) Satîye Ok, endamê SGDFyî Muhammet Altinkaya, Serhar Eren û Hêja Kayan ameybî destbendkerdene.

ESPyî derheqê babete de bînaya HEDEPî ya Amedî de eşkerayîyêke daye.

Hemşaredarê qezaya Pêrî yê Dêrsimî Orhan Çelebîyo ke herinda ci de qeyûm amebi tayînkerdene pare kerd ke 8 destbendkerdeyî zî grevê vêşanîye de yê. Çelebîyî da zanayene ke beşdaranê grevê vêşanîye rê bi qîmî şeker û awe nênê dayene.

Hemsereka HEDEPî ya Amedî Pinare Sakik Tekîn venga pêro kesan da ke vera operasyonanê qierkerdişê sîyasîyî vengê xo vejê.

Hemsereka DBPyî ya Amedî Sultane Yaray ard ziwan ke rixmê hêrişanê faşîzanan zî ê do tim têkoşînê xo rê dewam bikerê.

Hemserekê ESPyî Şahîn Tumukluyî îfade kerd ke rejîm keno ke verê têkoşînê kurdan bigêro la xoverdayîş do tim dewam bikero.