Endamê Heyetê Rayberdişî yê Merkezî yê Federasyonê Komeleyanê Ciwananê Sosyalîstan (SGDF) û namzetê Partîya Çep a Keske yê Eskîşehîrî Muslum Koyun 7ê gulane de amebi destbendkerdene û dima 'endamîya rêxistine' ra amebi tepiştene. 

Roniştişê dewaya Koyunî ewro yo. Îdîanameyê serê dewaya Koyunî de seba ke o tewrê yadkerdişê qurbananê Qirkerdişanê Pirsûs, Mereş û Sêwasî, tewrê kombîyayîşan û çalakîyan bîyo yeno sûcdarkerdene.

Avûkatê Koyunî dogukan Daşdanî derheqê babete de ANFyî rê qisey kerd û ard ziwan ke Koyun namzetê wekîlîye bibi û pê tepiştişî ame krîmînalîzekerdene. Daşdanî vat: ''Muwekîlê bi endamîya rêxistine yeno sûcdarkerdene. Çalakîyê ke o beşdarê ci bîyo û qiseykerdişê ci zî sey delîlanê endamîye yenê pêşkêşkerdene. Muwekîlê mi seba ke yadkerdişê qurbananê Qirkerdişê Sêwas, Mereş û Pirsûsî bîyo yeno sûcdarkerdene. La ganî her kes bi serbestî bieşko tewrê yadkerdişan bibo.''