Rayraşîyayîşo Dergo ke bi waştişê azadîya Rayberê Şarê Kurdî Abdullah Ocalanî hetê enternasyonalîstan ra bajarê Frankfurtî ra ver bi bajarê Saarbruckenî yê Almanya yeno kerdene bi hewayêkê qerardarî dewam keno.

Çalakwanî bin şewe Mannheim de keyeyê welatperweran de mendî.  Semedê enternasyonalîstan hetê Bêrîtane Amanose ra panalê Jinelojî ame kerdene. Amanose bale ante fikranê Abdullah Ocalanî yê derheqê cinîyan ser û vat cuya Rayber Apoyî û azadîya cinîyan pabesteyê yewbînan ê. Amanose vist vîrî ke pîya bi xorîkerdişê tecrîdî hêrişê vera cinîyan zî zêdîyayî û vat heme projeyanê Rayberîye de azadîye cinayan bibî.

Enternasyonalîstî saetanê serê sibayî de merkezê Ludwigshafenî de ameyî têhet û ver bi  Bad-Durkheimî kewtê rayîr. Çalakwanî do 30 kîlometre rayra şirê, saetanê şanî de biresê Bad-Durkheimî û uca ra bi wesayîtan şirê bajarê Homburgî yê Saarlandî. Roja pancene de çalakwanî do biresê  Saarbruckenî, rojêke zî uca rayra şirê û dima ra bi wesayîtan verê xo bidê bajarê Strasbourgî yê Fransa.