Erdogano ke wazeno ke herra Sûrîye ra leteyêk biqerfno badê qiseykerdişê xo yê Serekê Amerîka Trumpî eşkera ard ziwan ke ê do Sûrîye ra mevejê. Erdoganî vat: ''Heta ke şarê Sûrîye mevajo 'no gure qedîya' ma do ûca ra mevejê.''
Erdoganî vizêr şan Serekê Amerîka Donald Trumpî reyde telefon de qisey kerd û dima ra eşkera kerd ke ê do Sûrîye ra mevejê.
Erdogano ke bi parlamenteranê partîya xo yê Îstanbulî ame têhet vat: ''Heta ke şarê Sûrîye mevajo 'no gure qedîya' nîyetê ma çîno ke ma do ûca ra vejê.'' Erdoganî Ewropa reyna bi multecîyan tehdît kerd û vat sînorî do semedê multecîyan akerde bê. Erdoganî vat: ''Ma zî vizêr se kerd? ma bêrî akerdî. Heta nika nizdê 18 hezarî kesî beran ra ravêrtî. Beno ke ewro hûmara înan biresê 30 hezarî.
