Erdoganî eşkera kerd ke Şemzînan de 4 leşkerî merdê

Serekkomaro tirk Erdoganî vat ke teqayîşê Şemzînanî de 4 leşkerî merdê, nizdê 20 tenî zî birîndar ê. La goreyê çimeyanê cayîyan ra vîndîbîyayîşî hîna vêşî yê.

Qereqolo ke bargehê Qilê Sungu yê dewa Derecîk Ortaklar ya Şemzînanî ya pabesteya Colemêrgî de yo teqayîşêk virazîya. Selahîyetdaranê dewleta tirkî hûmara vîndîbîyayeyan reyna nimite. 

Wezaretê Pawitişî yê Milîyî yê Tirkî eşkerayîya xo ya vizêrêne de ardibi ziwan ke 7 leşkerî vîndîbîyaye yê, 25 zî birîndar ê.

Serekkomaro tirk Tayîp Erdogan ewro mecbûr mend, eşkerayîyêk daye û vat 4 leşkerî merdê, nizdê 20 leşkerî zî birîndar ê.

Çimeyê cayîyî vanê ke vîndîbîyayeyî xeylî zêde yê.