Şahîdanê Qirkerdişê Mereşî ra Hayrî Ergonul (55) o ke Londra de ciwîyayêne rîyê vîrusê Korona ra dinyaya xo bedilnaye.

Ergonulo ke dewa dewa Gozpinarî ya qezaya Afşînî ya Mereşî ra yo  12ê adare de bi teşîsê Covîd-19î gerîya serwîsê ciewnîyayîşê giranî. Ergonulî nêweşxane de dinyaya xo bedilnayene.

Ame vatene ke cinîya Ergonulî de zî nêweşîya Korona ameye desbîtkerdene. Aye zî nêweşxane de tedawî dîye bîye weş û nêweşxane ra vejîyaye.

Hayrî Ergonulî şahîdanê Qirkerdişê Mereşî yo ke 19ê kanûna 1978î de ame ciwîyayene ra yew bi. Ergonulo ke hema 12 serre bi dadî, babî û birayê ci verê çimanê ci de ameybî qetilkerdene. Seba ke gonîya birayê ci bîyebî serê ey rê o zî sey merde amebi hesibnayene.