Xeylê bajaranê Almanya, Fransa û Swîsre de Roşanê Ganebîyayîşî ame pîrozkerdene.

Bajarê Hamburgî yê Almanya de Kurdîstanijan û dostanê înan bicoş a Roşanê Ganebîyayîşî pîroz kerd. Şewe de sîyasetmeradaran ê kurdan ra Mehmet Aktaşî qisey kerd. Aktaşî bale ante felsefe û îradeyê Ocalanî ser û vat ke hêrişê ke Rayberê Şarê Kurdî Abdullah Ocalanî û Têgêrayîşê Azadîye yê Kurdan rê benî, hedefê nînan de heme kurdî estî û waşt ke kurdî vera hêrişan bêveng memanî.

Bajaranê Freîburg û Lahrî de zî bi heman waştişî şewêk ameye viraştene.

Şewe de mesajê girdkerdişê mucadeleyî ame dayene û bi kilamanê şorişgêrîyan û govendî roşan ame pîrozkerdene.

Bajarê Goteborgî yê Swîsre de zî bi şewêk û fîşeganê hewayîyan Roşanê Ganebîyayîşî ame pîrozkerdene.

Kurdîstanijan a pîya xeylî rêxistinê komelanê sivîlan û sîyasetmedarê Swîsre tewrê şewe bîyî û mesajê paştîdayîşê PKKyî û şarê kurdî dayî.

Aktîvîte ra dima Kurdistanijî û dostê înan vejîyayî meydan û bi fîşeganê hewayîyan û sloganan roşanê xo pîroz kerd.

Bajarê Fribourgî de zî bi hezaran Kurdîstanijî û dostê înan ameyî têhet û bi slogana ‘PKK şar o şar tîya de yo‘ Roşanê Ganebîyayîşî pîroz kerd.

Bajarê Strasbourgî yê Fransa de zî seba serragêrayîşê ronayîşê PKKyî şewêk ameye organîzekerdene.

Şewe de sîyasetmedaro Kurd Cuma Takî, muhîmîya rolê PKKyî ser o qisey kerd. Takî vat ke mucadeleyê 40 serran bi felsefeya cuye ya Rayber Apoyî ame ra û bi gona şehîdan destanê azadîye nuşt.‘‘