Qezaya Farqînî ya Amedî de deweka Bameyda ya dewa Hêlînê de  hîrê kesê ke yeno îdîakerdene ke gerîlayê HPGyî yê, ameyî qetilkerdene. Operasyonê herême de xeymê koçeran dîyayî adirî ver û  panc kesî pê îşkenceyî ameyî destbendkerdene.

Hetê KCD, MEBYA-DER),TJA, HDP, DBP, Partîya Çep a Keske ra heyetêkî dewe zîyaret kerd. Hemserekê KCDyî Berdan Ozturk, wekîlê Partîya Çep a Keske Adalete Kaya, Omer Faruk Hulaku, Sumeyye Boz, Kamuran Tarhan û xeylêk kesan taxa tede qirkerdiş ame kerdene de cigêrayîş kerd.

Heyet verî şi  warê xeymanê koçeran ke ameyî vêşnayene. Tîya Adalete Kaya eşkerayîye daye. Kaya ard ziwan ke ê raştê rêçanê pêkewtişî nêameyî û vat: ''Dewijî zî vanê pêkewtiş nêqewimîyayo. Vera sîvîlan hêriş ame kerdene. Xora fotografê ke ameyî parekerdene, înan de zî yeno vînayene ke sûcê îşkenceyî eşkera ameyo kerdene. Ewro ma tîya vînenê ke çîyê ke serranê 90yan de ameyêne kerdene, peyser agêrayî. Ma hêrişê vera warê cuya însanan qebul nêkenê.''

Raporê heyetê de do peyra bêro barekerdene. Heyetî dima deweka Bameyra de merdimê kesanê ke ameyî destbendkerdene, zîyaret kerdî.