Kekê Fîgene Yuksekdag Necmî Yuksekdagî 1ê teşrîna peyêne de Adana de dinyaya xo bedilnabî. Cenazaya ey ewro taxa Gazîosmanpaşayî ya qezaya Ceyhanî de ameye berdene bi keyeyê ci.

Fîgene Yuksekdag hetê cendirmeyan ra ameye berdene bi şînê keyeyê xo. Hemsereka HEDEPî Tulaye Hatîmogullari, wekîlê HEDEPî Pervîne Buldan, Alî Bozan û Adalete Kaya, Hemserekê Partîya Bindestan a Sosyalîste (ESP) Ozleme Gumuştaşe û Şahîn Tumuklu zî tede xeylêk kesî tewrê şînî bîyî.

Fîgene Yuksekdag tîya de serweşîyî qebul kerdî. Dima cenaza ameye ardene bi keyeyî û tîya ra zî ameye berdene bi Goristanê Gokova.

Merasîmê cenaza ra dima Yuksekdage seba ke apey bêra berdene bi zîndanî erşawîyaye Meydanê Teyarayan ê Adana.