Bajarê Floransa yê Îtalya de kurd û dostê înanê ke verê konsolosxaneyê Swêdî de ameyî pêser pêkerdişê NATO û Tirkîya yo ke bi îtîfaqê Swêd û Fînlandîya ame kerdene, protesto kerd.

Çalakîye de Alessandro Orsetti yo ke kênaya ci Lorenzo Orsetti sefanê YPJyî de şehîde bîye, qisey kerd. Orsettiyî ard ziwan ke Swêd û Fînlandîya yê ke sey dewletanê demokratîkan yenê zanayene vera NATOyî verê Erdoganê dîktatorî de milê xo çewt kerd û vat: ''YPG/YPJ rêxistina terorî nîya, rêxistina heqdar a ke semedê cuyeya bianore û meşrûye têkoşîn kena.''

Rete Jin, FLC CGIL, Partîya Komîniste, grûbê antîfaşîstan û rêxistinanê cinîyan ê femînîstan zî paştî daye çalakîye.